الاثنين، 26 مايو 2014

اه ... يا بلد ..!!

اه ... يا بلد ..!!
اه ... يا بلد ياللى يعيش فيكي يتهان
لا عِزة ولا كرامة ولا تقدير لحياة انسان
دا كان احلى ما فيكي هما حبة الشباب الجدعان
اللي علشانك ضحوا بروحهم
وياريت حد حس بيهم غير الاكفان
كنت كل مااشوف صورة شهيد قلبي ينكوي احزان
وقلب ام انكوى لما فقدت ليها اغلى انسان
حتى الجيش اللي قولنا حما وسند
نفسي تشوفوا بيعاملوا ازاي الجدعان
تكدير ... وتشريفة ... واهانة وسب دين
ولو اشتكيت يقولوا احنا هنا ظالمين .. اشتكينا للديان !!
كان نفسي ياجيش مصر
لما حد يحكي عنك يقول اشعار
بدل الاهانة وجرح الكرامة وذل النفس والانكسار
وام لما تسمع وليدها بيحكي قلبها بينكوي بالنار
(يا فريق .. يا لواء .. يا عميد) دي مدرسة الحياة
(عَلموهم ينشفوا لكن متكسرهُمش)
(عَلموهم الرجولة لكن متهزمهُمش)
(احرمهم من الاكل لكن متموتهُمش)
خليهم اد المسئولية وان معرفوش متذلهومش
دول هما احلى مافيكي يابلد .. ياللي ارخص مافيكي الانسان
اه يابلد .. بقى في كل مكان فيكي بِنتهان
بيدخلوا على الكنايس و يقتلوا فيها الجدعان
وقاضي يقول دا معتوه دا مخه جنان في جنان
وقضية ورا قضية وحقنا عند العادل الديان
مااحنا ملناش في بلدنا تمن ودايماً بِنتهان
لا شغل ولا وظيفة ولا بيت يسكنه حتى الغربان
والكبير دايماً كبير هيعرف ازاي عيشة الغلبان
مين يسمعني وانا صوت واحد وماليش واسطة في اي مكان
نفسي اصرخ واقول ارحموا بقى الانسان

دا هو عايش ميت .. مش كفايا عليه ان طول عمره حاسس بالحرمان !!


ليست هناك تعليقات:

إرسال تعليق