متعيطيش عليا يامة ..

بتعيط ليه يا خووووي ..

بتعيط ليه يا خووووي

بتعيط على فراقي

ولا على شبابي

ولا على عمري اللي راح على ايد ناس

ملهاش ملة ولادين

واحنا في الاخر غلابة نعمل ايه

 مع شوية كلاب ارهابيين

بيقتلوا الفرحة ويقتلوا احلام شباب مساكين

مستنياك يا ابن عمري

يلا يا ولدي روح سلم المخلة وارجعلي قوااام

هنعمل الغدا وهنعزم اخواتك كمان

دا النهاردة عيد 

كدة ولدي خلص التجنيد

متتأخرشي يا ولدي امك مستنياك على نار

تديك التحية وتقولك الف بركة يا بن عمرى كدة خلصت اول مشوار

بس انت مش راجع ايوة عرفت من ابوك والجيران

سمعتهم بيصرخوا ويقولوا ابنك مات من ارهابي غدار وجبان

ابن عمرى مات علشان كان بيحمي الاوطان

يكون جزاءه رصاصة موت من ايد ارهابي جبان