الاثنين، 8 يوليو 2013

رسالة ليك ياريس (للرئيس محمد مرسي)


لحظة يا ريس مخنوقة

ونفسي
 اتكلم معاك شوية كلام

يا ترى اتكلم براحتي وهتديني الامان

عارفة انك طيب بس عيبك انك ماشى ورا الاخوان

عيبك كمان انك بتسمع لحبة غيلان

مش مبارك كان فاسد بس كان محسسنى بالامان

على الاقل فى عهده مشفناش واحد جعان

ليك عندى حبة وصايا

(معلش ) تعالى على نفسك واسمعها

يمكن تنفعك فى يوم من الايام

( اوعي
 ) من الازهر و الكنيسة دول اهم البنيان

عمر ما شعبك هيسامحك

علشان دول اهم ركن فى المسيحية والاسلام

اقولك على حاجة كمان

عارف يا ريس لو عايز تصلح هتقدر

بس المهم اتكل على شباب وطنك الجدعان

هما حماك وسندك على مر الزمان

( كلمة اخيرة هقولهالك )

فى يوم هتروح لربك ساعتها هيسألك عملت ايه

انا خليتك راعى 

ياترى يا مرسى صنت الراعية

هترد تقوله انا صنت بس اللى ليا

اهلى وعشيرتى هما بس اللى باقيين عليا

هيسألك والباقى يا مرسى

دول كمان مش امانة بين ايديك

ياترى قمت علشانهم بالواجب اللى عليك

هترد يا مرسى وتقوله العيب مش فيا 

العيب فى وزير الداخلية

 
هو اللى مش عارف يلم البلطجية

هو اللى مخلى شهدا فى كل مكان

هو اللى مالى قلوب الامهات احزان

اقولك عموما انا خلصت كلامى 

ومش هعيده عليك من تانى

انته فى الاخر حاسا
ك راجل طيب 

واكيد عارف ربنا

فكر بس ازاى ترضى شعبك

وتخلينا نحبك وانتة كمان تحبنا

داحنا فى الاخر مالناش غير بعضنا

والله العظيم ما فية زينا

ولا هتلاقى اطيب مننا

وعلى فكرة فكرتنى ابعت رسالة صغيرة

لاهل بلدى الكرام انتم يا شعب المحلة يا محترمين

الف تحية ليكم يا اطيب قلب يا ناس يا محبين

احلى وردة اخدتها من ايديكم يوم عيد المسحين

شفتكم واقفين صف واحد قدام الكنايس

كانكم بتقولو محدش فى يوم هيفرقنا 

داحنا مصرين مسحين كنا او مسلمين

هو ده شعبنا وهى دى مصرنا اللى على ترابها عايشين

يارب احميها ونجيها من كل العدوين




بتــاريــخ  9 مايو 2013

ليست هناك تعليقات:

إرسال تعليق