مجروح و حزين

افرحي و هللي

حزن مالي القلب

جوايا حزن

حبك قوتي

حربة و مسمار

جوايا غضب

ااااه جوايا غضب مالوش اخر
نفسي ارجع واقوله يا غضب روح عني واتاخر
نفسي تعبت و الحزن ماليها
والايام بتعدي و مفيش طعم ليها
راضية يااااربي و عمري ما اشتكيت
بس الوجع فاق الحد لحد ما بكيت
ارجووك ياااارب محتاجة اووي ليك
مد ايدك وشيل الحزن وثبتني اكتر فيك

افرحي يا امي

ليه يا امي بتحزني 
دانا موصيكي ترنمي 
ويوم ما اموت شهيد تفرحي 
ان ليكي ابن في السما 
ياااااه يامه دا نهار الهنا 
وحياتي يامه افرحي وهللي
وكل ما تفتكرني ارجوكي رنمي

قلب بيصرخ

ااااه يا حزن مالي القلب اروح منك على فين 
جوايا وجع وقلب بيصرخ على اللي راحوا في غمضة عين
ااااه يا حزن جوايا بيبكي وحتى مش عارفة انطق بيه
ااااه ياااااارب على كل ظالم قدم الشر ونجح فيه

عديم الضمير والدين

ااااه يا عديم الضمير و الدين
فرحان اوووي انك بتقتل مسيحين
وبتحزن قلوب على ضناها اللي راحوا في غمضة عين
وبتقتل ناس بتصلي وبتسجد للاله العادل الديان
ومش خايف لما تقف قدامه ويسألك استبحت ليه دم اخوك الانسان
فاكر انك بكدة هتاخد نيشان
ولا فاهم ان دم المسيحي رخيص
وناسي ان قوة صلاتهم بس حركت جبال
وان ربنا هيسكت طبعاً دا شئ محال